Pershendetje

Ne vijim te e-mailit tuaj te dates 11.01.2024, ne lidhje me denoncimin per mallrat e dyshuara si te fallsifikuara te tregtuara nga subjektet e identifikuara nga ju me ane te Nipteve perkatese, ju bejme me dije si vijon:

ISHMT kreu 3 procedura inspektuese ex-officio ne subjektet per te cilat ju jeni ankuar dhe u bene verifikimet sipas procedurave te nenit 200/c te ligjit 9947, date 07.07.2008 “per Pronesine industriale.

Si rezultat I verifikimeve  per mallrat e dyshuara si  te fallsifikuara, ISHMT vendosi bllokimin e perkohshem te mallrave te cilat mbartnin marka te mbrojtura ne Republiken e Shqiperise.

Ne perfundimit te hetimit administrativ ceshtjet u mbyllen pa shkelje per shkak te mos marrjes se konfirmimit nga pronaret e markave tregtare te regjistruara per cenimin e te drejtave te pronesise industriale.  

Per sa me siper, dhe bazuar ne ligjin 9947, date 07.07.2008 “per Pronesine Industriale” I ndryshuar,  e drejta per te ndaluar tregtimin e mallrave cenuese te te drejtave te pronesise industriale ne treg I perket pronareve te objekteve te pronesise industriale te mbrojtura.

Duke ju falenderuar per bashkepunimin,

Dite te mbare!

Inspektorati Shtetëror i Mbikëqyrjes së Tregut (ISHMT) është krijuar me VKM-në Nr.36, datë 20.01.2016, “Për krijimin, organizimin dhe funksionimin e Inspektoratit Shtetëror të Mbikëqyrjes Së Tregut”, në zbatim të Ligjit Nr.10489, datë 15.12.2011 “Për tregtimin dhe mbikëqyrjen e tregut të produkteve joushqimore”, i ndryshuar VKM-së Nr.1056, datë 23.12.2015 “Për miratimin e rregullit teknik për sigurinë e ashensorëve në përdorim”, i ndryshuar dhe VKM-së Nr.192 datë 04.04.2018 “Për miratimin rregullit teknik për ashensorët dhe përcaktimin e listës së standardeve të harmonizuara”, është institucioni përgjegjës për garantimin e sigurisë së ashensorëve dhe regjistrimin e tyre në regjistrin kombëtar.

Sa më sipër, ISHMT nuk është organi kompetent për kryerjen e kontrollit teknik të ashensorëve. Vlerësimi i konformitetit të ashensorëve (ekzaminim i plotë/inspektim final, inspektim periodik) kryhet nga një organ i miratuar, sipas standardeve të VKM-së Nr.1056, datë 23.12.2015 “Për miratimin e rregullit teknik për sigurinë e ashensorëve në përdorim”, i ndryshuar, VKM-së Nr.192 datë 4.4.2018 “Për miratimin rregullit teknik për ashensorët dhe përcaktimin e listës së standardeve të harmonizuara”, me kërkesë të personit përgjegjës të ashensorit.

Pas vlerësimit të konformitetit nga një organ i miratuar, personi përgjegjës i ashensorit ka  detyrimin ligjor, të regjistrojë ashensorin pranë ISHMT-së, referuar pikës 2, Neni 16, Ligji 10489, datë 15.12.2011 “Për tregtimin dhe mbikëqyrjen e tregut të prosukteve joushqimore” i ndryshuar dhe VKM-së Nr.1056, datë 23.12.2015 “Për miratimin e rregullit teknik për sigurinë e ashensorëve në përdorim”, i ndryshuar dhe procedurës ligjore të miratuar.

nspektorati Shtetëror i Mbikëqyrjes së Tregut i ngritur me VKM nr.36 datë 20.01.2016 “Për krijimin, organizimin dhe funksionimin e ISHMT”-së, ka për mision garantimin e sigurisë së produkteve për konsumatorët, të vendosura në treg dhe në shërbim/në përdorim, nëpërmjet aktiviteteve mbikëqyrëse sipas legjislacionit përkatës në fuqi. Në fokusin e punës së Inspektoratit  Shtetëror të Mbikëqyrjes së Tregut është edhe kontrolli i respektimit të kërkesave ligjore për sigurinë e ashensorëve, në zbatim të Ligjit nr.10489/2011 “Për tregtimin dhe mbikëqyrjen e tregut te produkteve joushqimore”, VKM Nr. 1056, datë 23.12.2015 “Për miratimin e rregullit teknik “për sigurinë e ashensorëve në përdorim” dhe VKM Nr. 192, datë 04.04.2018, “Për miratimin e rregullit teknik ‘Për ashensorët dhe komponentët e sigurisë për ashensorë dhe përcaktimin e listës së standardeve të harmonizuara. 

Referuar kerkeses suaj të shprehur në emailin e datës 22.01.2024   ju informojmë se për regjistrimin e ashensorit pranë ISHMT-së kërkohen këto dokumentacione: 

1 Kërkesë  tip   

2 Formulari i regjistrimit të ashensorit 

3 Deklarata e konformitetit të lëshuar nga instaluesi i ashensorit  

4 Raport ekzaminimi te pare te plote (markim CE per ashensoret e instaluar pas vitit 2020) i lëshuar nga  Organet të Miratuara nga Ministria e Ekonomisë dhe Financave e përzgjedhur nga ana juaj  

5 Dokumentacioni teknik i ashensorit (këtë dokumentacin e disponon instaluesi i ashensorit)      

      Ju bëjmë me dije se Formularin e regjistrimit do ta plotesoni me suportin e instaluesit . 

Informacionin e mesipërm do ta gjeni dhe në faqen zyrtare te ISHMT-së

Referuar email-it tuaj, ju bëjmë me dije se subjekti Kreshnik Poda PF me Nipt L94019805S rezulton i regjistruar pranë ISHMT-se me numër certifikate 001022SR datë 23.08.2021.

Bashkëlidhur do të gjeni certifikatën e regjistrimit të ashensorit, për subjektin tuaj.

Bazuar në nenin 24 pika 1 të Ligjit nr. 162/2020 “Për Prokurimin Publik”, Komisioni i Prokurimit Publik është organi më i lartë administrativ në fushën e prokurimeve, që shqyrton ankesat për procedurat e prokurimit dhe kryen çdo detyrë tjetër që i ngarkohet
me këtë ligj dhe akte të tjera ligjore brenda fushës së kompetencave të tij. Në kuadër të shqyrtimit të një ankese e cila ka si objekt blerjen e pajisjeve laboratorike shfaqet e
nevojshme të na informoni nëse: Për produktet;                     Presa automatike multifunksionale per betonin
Kabinet per laboratorin e cimentos (Dollap per Mostrat e cimentos)
Prese per provat ne terheqje te celikut dhe percaktimin e rezistences ne
perkulje te celikut      Aparat Vikat
Vaskat e Ujit
Tavoline per konsistencen e llacit
Komplet unazash Le Shatelie
Peshore Analitike Dixhitale 200 gr (0,000)
Furnela me 2 vatra
Distilator
pH-meter
Kalcimeter (gasometer)
Manometer
Mikroskop digital

Byreta Dixhitale
Kroxhola  Sita per percaktimin e granulometrise
Furre e pa korrodueshme
Pajisje Los Angeles
Klasifikues i Mostrave me kapacitet te madh
Tundes i motorrizuar i Sitave
Peshore
Pajisje per percaktimin e mases vellimore te lire dhe i boshlliqeve
Pajisje per percaktimin e indeksit te formes
Pajisja e ekuivalentit te reres
Piknometer
Pajisje per percaktimin e peshes specifike te agregateve te trasha
Balon Le Chatelier
Peshore teknike 8 kg
Peshore teknike 5 kg
Kape Kimike
Vaske betoni bashke me aksesore
është e aplikueshme certifikata e konformitetit apo deklarata e konformitetit?
Për vetë rëndësinë që ka shqyrtimi në kohë i ankesave të operatorëve ekonomikë në përmbushje të detyrimeve që rrjedhin nga legjislacioni i prokurimit publik si dhe për një shqyrtim më të plotë e objektiv të ankesës, lutemi dërgimin e informacionit tuaj brenda tre ditëve nga marrja e kësaj shkrese.
Duke ju falenderuar për bashkëpunimin,

Në përgjigje të shkresës me Nr. Prot. 57/6, datë 08.02.2024, protokolluar me tonën me Nr. Prot. 745 datë 12.02.2024, Ju bëjmë me dije se:

Produktet e listuara, për të cilat kërkohet informacion i specifikuar në shkesë, si pajisje laboratorike, janë jashtë fushë veprimtarisë të Inspektoratit Shtetëror të Mbikëqyrjes së Tregut.

Disa nga produktet e listës mund të trajtohen si makineri por në zbatim të Ligjit Nr. 10489/2011 “Për tregtimin dhe mbikëqyrjen e tregut te produkteve joushqimore” dhe VKM-së nr. 1060, datë 23.12.2015 “Për miratimin e rregullit teknik “Për makineritë” dhe pёrcaktimin e listёs së standardeve të harmonizuara”, ISHMT është struktura përgjegjësë për mbikëqyrjen e tregut për makineritë/pajisjet që janë në përdorim apo që hidhen në treg për konsumatorin.

Bazuar në VKM-së 770, datë 02.11.2016 “Për miratimin e rregullit teknik “Për instrumentet matëse”, për disa ndryshime në vendimin nr.1351, datë 3.10.2008, të Këshillit të Ministrave, “Për miratimin e rregullores për kërkesat dhe metrologjike për instrumentet matëse, ligjërisht të kontrolluara”, dhe pёrcaktimin e listёs së standardeve të harmonizuara” dhe VKM-së 631, datë 25.09.2019 “Për miratimin e rregullit teknik “Për instrumentet e peshimit joautomatik” dhe Përcaktimin e listës së standatdeve të harmonizuara”, për disa instrumente matëse në mënyrë që të vendosen në treg dhe/ose vihen në përdorim, edhe pse janë instrumente, pjesë e laboratorit si:

· Peshore Analitike Dixhitale 200g,

· Peshore teknike 8 kg,

· Peshore teknike 5 kg,

rekomandojmë që të jenë të pajisur me deklaratën EU të konformitetit, nëpërmjet së cilës prodhuesi, përfaqësuesi i autorizuar ose importuesi garanton se instrumenti matës është në përputhje me kërkesat metrologjike të përshkruara.

Për instrumetet apo pajisjet e tjera, të cilat nuk janë në fushë veprimtarinë e ISHMT-së mund të merret një informacion më i detajuar nga Drejtoria e Përgjithshme e Metrologjisë si instituacioni përgjegjës për instrumentet matëse.

Duke ju falenderuar për bashkëpunimin,

Pershendetje

Quhem _______ , pronare 50% te ____ enterprise shpk.

Dua te bej nje denoncim qe po me keqperodret marka e mbrojtur(pronesia industriale) ne internet.

Jane hapur faqe instagrami e facebook ku keqperdorin marken time dhe mashtrojne klientet me produkte komplet FALLCO.

Si duhet te veproj, ku duhet te bej denoncim dhe cfare masash merren per mbrojtjen e markes sime?

Jam ne pritje te pergjigjes suaj!

Përshëndetje Znj….

Në përgjigje të emailit tuaj, drejtuar ISHMT-së në datë 22.04.2024 ju bëjmë me dije si më poshtë vijon:
Bazuar në ligjin 9947 dt.07.07.2008 “Për Pronësinë Industriale” i ndryshuar, ISHMT është institucioni përgjegjës për të monitoruar e garantuar respektimin e të drejtave të pronësisë industriale kur ekzistojnë shkaqe të arsyeshme dyshimi se një e drejtë e pronësisë industriale është shkelur nga mallrat të cilat janë vendosur në treg dhe janë në përdorim në territorin e Republikës së Shqipërisë , pas çlirimit në qarkullim të lirë nga autoritetet doganore.
Aktualisht ligji 9947 dt.07.07.2008 “Për Pronësinë Industriale” i ndryshuar, në dispozitat e tij nuk e parashikon dhe rrjedhimisht nuk rregullon rastet e cenimit të të drejtave të pronësisë industriale në tregtinë on-line.
ISHMT mund të veprojë me inspektim në treg në rast se mbajtësi i së drejtës së pronësisë industriale ose përfaqësuesi i tij mund të paraqesë një kërkesë ankesë për inspektim ndaj një apo disa subjekteve tregtare të cilat tregtojnë mallra të dyshuara si cenuese, në një adresë fizike.
Gjithashtu, bazuar në nenin 200/b të ligjit 9947 dt.07.07. 2008 “Për Pronësinë Industriale” i ndryshuar, kërkesa ankesa për inspektim e paraqitur nga ju duhet të shoqërohet me informacioni mbi objektin e pronësisë industriale i cili cenohet, dokumentacionin provues mbi ekzistencën e të drejtave të pronësisë industriale dhe certifikatë regjistrimi të markës, apo ekstrakt regjistri i lëshuar nga Drejtoria e Përgjithshme e Pronësisë Industriale (DPPI), si dhe çdo informacion tjetër që u vjen në ndihmë trupës inpektuese për të evidentuar në treg subjektin e inspektimit dhe  mallrat e falsifikuara nga ato origjinale.
Dokumentacioni i sipër cituar duhet të paraqitet në kopje origjinale ose të njesuara me origjinalin dhe i përkthyer në gjuhën shqipe.
Duke ju falenderuar,

Përshëndetje Z. …..,
Në përgjigje te emailit tuaj dërguar ISHMT në datë 06.06.2024, ju bëjmë me dije si vijon:
Bazuar në nenin 200/b të ligjit 9947, 07.07.20008 “Për Pronësinë Industriale” I ndryshuar, jeni të lutur të paraqisni pranë zyrës së protokollot të ISHMT-së një kërkesë ankesë me shkrim për inspektim.
Kërkesë ankesa duhet të jetë e shoqëruar me kopje të njesuar me origjinalin të certifikatës së regjistrimit të markës tuaj, si dhe çdo informacion tjetër, të mundur nga ana juaj për tu ardhur në ndihmë grupit inspektues, për të identifikuar këtë subjekt, si: Emrin tregtar, Niptin dhe pamje të përdorimit të markës nga ky subjekt.
Mbetemi në pritje të paraqitjes nga ana juaj të dokumentacionit dhe informacionit të  kërkuar më lart.

Ditë të mbarë!

Përshëndetje,

Jam i interesuar për regjistrimin e ‘Disenjo Industriale’ mund të më ndihmoni me informacion mbi këtë praktikë?
Çfarë dokumentacioni duhet të paraqes dhe ku ndodhet institucioni juaj si ndërtesë?

Në pritje të përgjigjes tuaj, me respekt.

Përshëndetje Z. ….,

Në përgjigje të kërkesës për informacion drejtuar ISHMT-së nëpërmjet postës elektronike në dt 24.06.2024, në lidhje me procedurat e  regjistrimit të disenjos industriale, ju bëjmë me dije se regjistrimi i disenjove industriale është kompetencë e Drejtorisë së Përgjithshme të Pronësisë Industriale.
 “Adresa: Bulevardi “Zhan D’Ark”, Prona nr.33, Shtëpia e Ushtarakëve, Tirana, Albania”,
Website: https://dppi.gov.al/.  
e.mail: info@dppi.gov.al

Ditë të mbarë!

Në përgjigje të kërkesës tuaj për informacion, me Nr.210/1 Prot, datë 26.04.2024, protokolluar pranë Inspektoratit Shtetëror të Mbikëqyrjes së Tregut (ISHTM) me Nr.2151 Prot, datë 02.05.2024, ju bëjmë me dije si më poshtë vijon:  

Në kuadër të Taks-Forcës, ISHMT mbikëqyri  subjekte të cilat kishin në përdorim qese plastike mbajtëse, në datat 11.03.2024-13.03.2024, përkatësisht në zonën Durrës, Krujë dhe Shijak.
Në total janë monitoruar 24 subjekte me NIPT. Nga ky aktivitet mbikëqyrës u konstatua përdorimi i qeseve plastike mbajtëse konform legjislacionit në fuqi.

Gjithashtu, në bashkëpunim me Policinë Bashkiake, u monitoruan rreth 70 subjekte ambulant, përkatësisht në Tregun fruta-perime Durrës dhe Tregun në Krujë. Tregu në Shijak rezultonte i mbyllur dhe ushtronte aktivitet vetëm ditën e dielë.

Duke ju falenderuar për bashkëpunimin,

Pershendetje!

Kam nje pyetje rreth qeseve plastike pasi ndonjehere ka mosmarveshje me policat bashkiake.

A lejohet tek marketet dhe dyqanet e fruta perimeve te perdorin rrulona transparent pa doreze?

Me ndihmoni nqs me pergjigjeni ne menyre qe ti qartesoj klientet e mi.
Faleminderit!

Përshëndetje Z.

Ju bëjmë me dije se qeset plastike mbajtëse që ndalohen në përdorim janë të shprehura në Ligjin Nr.10463, datë 22.09.2011 “Për menaxhimin e integruar të mbetjeve”, i ndryshuar me Ligjin Nr.28/2022 datë 17.03.2022, VKM-në NR.367, datë 30.05.2022 “Për përcaktimin e masave të hollësishme dhe institucioneve përgjegjëse për ndalimin e përdorimit, importimit apo futjes në territorin e Republikës së Shqipërisë të qeseve plastike mbajtëse, si dhe qeseve plastike mbajtëse të oxo-degradueshme apo oxo-biodegradueshme”, VKM-në Nr.  562, datë 29.07.2022 “Për disa shtesa dhe ndryshime në VKM-ne Nr.367, datë 30.05.2022.

Për sqarime të mëtejshme mbi bazën ligjore të parashtruar mësiper mund ti drejtoheni Agjensisë Kombëtare të Mjedisit (AKM).

Duke ju uruar një ditë të mbarë.

As far as we know demo units intended to be imported in North Macedonia on a ‘temporary import status’’  and the certificates of conformity in these cases are not required for the import.
Kindly please confirm that is correct!
I’am looking forward for your response and thank you in advance for your attention!
Best regards,
Rossi
*In addition, Albania signed the ATA Convention and ATA Carnet is now officially in force in Albania  (https://en.wikipedia.org/wiki/ATA_Carnet), which make the import process of demo units regulated.

 në bazë të ligjit për të drejtën e informimit dëshiroj të njihem

me disa informacione nga ISHMT në lidhje me …

1- Sa pretendime jane raportuar ne 2022 prane institucionit tuaj per kopjimin e markave dhe

sa raste ka pasur gjithsej?

2- Eshte ky nje fenomen ne rritje apo ulje?

3- Cilat lloje markash jane kopjuar me shume dhe ne cilet sektor evidentohen me shume?

4- Sa masa administrative jane marre ne 2022 dhe cilat jane keto masa?

Pune te mbare!

Certifikatë regjistrimi të patentës mbi shpikjen, apo ekstrakt regjistri i lëshuar nga Drejtoria e Përgjithshme e Pronësisë Industriale (DPPI).
Autorizimin e përfaqësimit të lëshuar nga mbajtësi i së drejtës në rast se kërkesë-ankesa për inspektim paraqitet nëpërmjet përfaqësuesit të tij;
Në rast se është e mundur, çdo dokument tjetër provues në ndihmë të autoriteteve  inspektuese dhe/ose mostra apo riprodhime të ndryshme të mallrave cenuese.
si dhe të dhëna identifikuese për mbajtësin/tregtarin e mallrave që dyshohet se shkel të drejtat e pronësisë industriale, të tilla si: emri, adresa, emri tregtar, NIPT-i etj.
Duke ju falenderuar,

Ju lutem mund te me ndihmoni me informacioncin perkates ne lidhje me proceduren qe duhet ndjekur per kontrollin e ashensorit?

Mbetem ne pritje te informacionit,

Ju faleminderit,

Materielet ne kontakt me ushqimin

Duke qene se fusha e materialeve ne kontakt me ushqimin mbulohet si veprimtari kontrolluese dhe analizuese nga Inspektorati Shteteror i Mbikqyrjes se Tregut nevojitet adresimi i disa pyetjeve informuese ketij institucioni:
Cila eshte struktura/organograma perberese e ketij institucioni dhe cila eshte njesia/struktura perkatese qe merret specifikisht me materialet ne kontakt me ushqimin.
Sa punonjes jane te angazhuar specifikisht ne fushen e materialeve ne kontakt me ushqimin dhe cili eshte profesioni i tyre? Ushtrimi i aktivitetit te tyre eshte i organizuar vetem ne nivel qendror apo jane te shperndare edhe ne nivel rajonal? Per secilin rast nevojitet nr i punonjesve te anagazhuar me materialet ne kontakt me ushqimin (numri i punjesve ne nivel qendror dhe nr i punonjesve ne nivel rajonal, nese ka, te ndare sipas secilit rajon).
Cila eshte baza ligjore dhe nenligjore takuese qe mbulon kete fushe veprimtarie.
Referuar materialeve ne kontakt me ushqimin kerkohet nje pershkrim i detajuar i procesit te kontrollit te ketyre produkteve.
Per periudhen 2020-2022 kerkohet nga ana juaj nje informacion ne lidhje me:
Numri e kontrolleve te planifikua ne materialet ne kontakt me ushqimin (te ndara sispas viteve).
Numri i kontrollve te kryra per materialet ne kontakt me ushqimin. (te ndara sispas viteve).
Problematikat e konstatuara gjate ketyre kontrolleve dhe masat e marra nga ana juaj.(te ndara sispas viteve).
Numri i mostrave te marra per analizim te ketyre produkteve si dhe rezutatet e ketyre analizave (nr. i mostrave konforme dhe nr i i mostrave jo konforme te ndara sispas viteve.).
6.A zbatohet ndonje sistem/procedure per aprovimin e perdorimit ose nxjerrjes ne treg te materialeve ne kontakt me ushqimin. Nese po si fuksionon procesi i aprovimit?
Gjithshtu nga MBZHR ne lidhje me materialet ne kontakt me ushqimin nevojitet informacion nese ne strukturen e MBZHR egziston nje njesi e cila eshte e angazhuar ne mbikqyrjen/monitorimin/vleresimin e ketyre produkteve. Nese po cila eshte ajo njesi duke ju referuar organogrames se MBZHR.
Per nevoja te draftimit te prezantimit nevojitet venia ne dispozicion te “Tabelave te Perputhshmerise” (TOC) te gjithe bazes ligjore takuese te materialeve ne kontakt me ushqimin.
Jeni te lutur nje pike kontakti per te kontaktuar me stafin tone qe po pergatit prezantimin.

Faleminderit per bashkepunimin

Në përgjigje të kërkesës suaj për informacion në lidhje me tematikat e “Food contact materials” dhe “Food improvement agents” për sa i përket fushë veprimtarisë së Inspektoratit Shteteror të Mbikqyrjes së Tregut, ju informojmë si më poshtë vijon:

Organigrama e Inspektoratit Shtetëror të Mbikëqyrjes së Tregut është e përbërë nga 4 drejtori dhe 8 sektore.i Sektori kimik dhe Siguria e Përgjithshme në Drejtorinë e Mbikëqyrjes së Produkteve është përgjegjës për kontrollin në fushën e sigurisë së përgjithshme ku përfshihet edhe kontrolli i artikujve të përdorimit dhe të kujdesit për fëmijët, takëme të kuzhinës dhe mjete të përdorshme për të ngrënë.

ISHMT organizohet si drejtori e përgjithshme me juridiksion në të gjithë territorin e vendit. Në fushën e materialeve në kontakt me ushqimin referuar standardit SSH EN 14372:2004, janë të angazhuar 8 inspektorë të Sektorit Kimik dhe Sigurisë së Përgjithshme të profilit Shkenca Natyrore dhe Inxhinierike.

ISHMT lidhur me këtë fushë veprimtarie kryen kontrollin në përputhje me:

· Ligjin nr.10489/2011 “Për tregtimin dhe mbikëqyrjen e tregut të produkteve joushqimore” dhe rregullave teknike në zbatim të tij.

· Ligjin nr.10480, datë 17.11.2011 “Për sigurinë e përgjithshme të produkteve joushqimore”, i ndryshuar duke iu referuar standardeve të harmonizuara Shqiptare.

· Standardin SSH EN 14372:2004 Artikuj të përdorimit dhe të kujdesit për fëmijët -Takëme të kuzhinës dhe mjete të përdorshme për të ngrënë – Kërkesat e sigurisë dhe metodat e provës

Përsa i përket procesit të kontrollit, artikujt e përdorimit dhe të kujdesit për fëmijët, takëme të kuzhinës dhe mjete të përdorshme për të ngrënë, kontrollohen mbi bazën e pikave të listëverifikimit bashkëlidhur në aneksin 1.

Në rastet kur konstatohet shkelje e kërkesave ligjore, referuar nenit 43 të ligjit nr.10433/2011 “Për inspektimin në Republikën e Shqipërisë” merret masë urgjente si:

· ndërprerja e kryerjes së një veprimi, veprimtarie apo një pjese të saj;

· bllokimi dhe marrja në administrim e produkteve

· urdhërimi i subjektit të inspektimit të njoftojë të tretët apo publikun për rreziqet e mundshme

· çdo masë tjetër që vlerësohet e domosdoshme dhe proporcionale për të realizuar qëllimin e masës urgjente.

Më pas kryhet shqyrtimi dhe marrja e vendimit përfundimtar sipas neneve 46 dhe 48 të ligjit nr.10433/2011 “Për inspektimin në Republikën e Shqipërisë”.

Gjithashtu ISHMT njofton Drejtorinë e Përgjithshme të Doganave për ndalimin e zhdoganimit të këtyre produkteve dhe vendos njoftimin në faqen zyrtare të ISHMT për informimin e konsumatorëve mbi rrezikshmërinë e këtyre produkteve.
Përsa i përket kontrolleve referuar kësaj kategorie produktesh gjatë periudhës 2020-2022 ju informojmë si më poshtë vijon:
Në vitin 2021 janë planifikuar 30 inspektime për sigurinë e përgjithshme përfshirë karrocat, rrethoret, biberonat dhe takëmet e fëmijëve. Specifikisht për takëmet e fëmijëve janë kryer 5 inspektime nga të cilat 2 të planifikuar dhe 3 të kryer si pasojë e informacionit të ardhur nga të tretë, përkatësisht nga sistemi RASFF (Rapid Alert System for Food and Feed). Gjatë këtij viti është vendosur 1 masë urgjente.
Në vitin 2022 janë planifikuar 19 inspektime për sigurinë e përgjithshme përfshirë karrocat, rrethoret, biberonat dhe takëmet e fëmijëve. Specifikisht për takëmet e fëmijëve janë kryer 5 inspektime nga të cilat 2 të planifikuar dhe 3 të kryer si pasojë e informacionit të ardhur nga të tretë (Sistemi RASFF). Në total gjatë këtij viti janë vendosur 2 masa urgjente.
Lidhur me pyetjen tuaj mbi analizimin e mostrave sqarojmë se Shqipëria aktualisht nuk disponon një laborator të akredituar për të kryer analizat e produkteve në fjalë, për këtë arsye Inspektorati Shtetëror i Mbikëqyrjes së Tregut kryen vetëm kontrollin dokumentar dhe fizik tregues të produkteve referuar pikës 19 të Urdhërit nr.305/2014 “Për procedurat standarde operacionale të veprimtarisë së mbikëqyrjes së tregut, të detyrueshme për të gjitha strukturat e mbikëqyrjes së tregut”,
Problematika e konstatuar gjatë kontrolleve lidhet me vështirësinë e analizimit të mostrave në laborator të akredituar jashtë vendit për një afat 30 ditor, brenda të cilit duhet të merret vendimi përfundimtar referuar nenit 46 pika 1 të ligjit 10433/2014 “Për inspektimin në Republikën e Shqipërisë”.

Shoqëria A sh.p.k. kërkon nga ana juaj:
– Mbi ç’bazë ligjore subjekti B sh.p.k. kërkon të realizojë verifikimin fillestar të instrumenteve matës, që janë objekt i markimit CE sipas pikës 4 të nenit 17 dhe pika 1 e nenit 18 të ligjit për metrologjinë?
– A ka të drejtë subjekti B sh.p.k. të realizojë verifikimin fillestar të instrumenteve matës që janë objekt i markimit CE, pavarësisht se në Urdhërin e Ministrit të Financave dhe Ekonomisë nr. 219, datë 21.09.2022, aneksi 1.2 nuk ka format tip të miratuar nga ministri dhe ka një kontratë konçesionare vetëm për verifikimin e distributorëve të karburantit?
-A është “Modeli i aplikimit për verifikimin fillestar të instrumentave matës ligjërisht të
kontrolluar”, lëshuar nga subjekti B sh.p.k., format i kontrolluar ligjërisht nga
metrologjia, inspektoriati apo ministria?
Më poshtë nenet përkatës të ligjit nr. 126/2020 Për metrologjinë”, të cilat argumentojnë kërkesën e bërë nga ana e A sh.p.k..

KREU V
METROLOGJIA LIGJORE
PJESA E PARË
Neni 17
Instrumentet matëse ligjërisht të kontrolluara:
3. Instrumentet matëse ligjërisht te kontrolluara, që nuk janě objekt i markimit CE, ashtu si dhe përbërësit e tyre, pajisjet shtesë dhe pajisjet ndihmëse, i nënshtrohen kontrollit metrologjik, që kryhet nëpërmjet miratimit të tipit, verifikimit fillestar, verifikimit pasardhës dhe verifikimit jashtë radhe, kur lind nevoja, të instrumenteve matëse.
4. Përjashtimisht nga pika 3 e këtij neni, instrumentet matëse objekt të markimit CE, markimit suplementar të shoqëruar me dy numrat e fundit të vitit të prodhimit, numri identifikues i trupës notifikuese, që është përfshirë në vlerësimin e konformitetit, nuk i nënshtrohen miratimit të tipit dhe verifikimit fillestar, por vetëm verifikimeve pasardhëse dhe verifikimeve jashtë radhe kur lind nevoja.
5. Keshilli i Ministrave miraton rregulloren për kërkesat teknike dhe metrologjike, si dhe rregullat teknike për instrumentet matëse ligjërisht të kontrolluara sipas pikes 3, me propozim të ministri përgjegjës për metrologjinë.
Neni 18
Vendosja në treg dhe/ose vënia në përdorim e instrumenteve mate ligjërisht të kontrolluara:
1. Instrumentet matëse, që janë objekt i markimit CE, vendosen ně treg dhe/ose vihen ně përdorim nëse kanë markimin CE, Markimin Metrologjik Suplementar M dhe dy shifrat e fundit të vitit të prodhimit të rrethuara nga një drejtkëndësh, lartësia e të cilit është e njëjtë me lartësinë e markimit CE; numrin unik të trupës notifikuese që ka marrë pjesë në fazën e kontrollit të prodhimit, i cili vendoset nga vetě trupa ose, sipas udhëzimeve të tij, nga prodhuesi ose përfaqësuesi i tij i autorizuar, nëpërmjet së cilës prodhuesi, përfaqësuesi i autorizuar ose importuesi garanton se instrumenti matës është në përputhje me kërkesat metrologjike të përshkruara.
2. Instrumentet matëse ligjërisht të kontrolluara, që nuk janë objekt i markimit CE, mund të vendosen në treg dhe/ose të vihen në përdorim vetëm nëse janë verifikuar sipas një procedure të përshkruar në këtë ligj, si rezultat i së cilës është realizuar miratimi i tipit dhe verifikimi fillestar i tij.
Neni 24
Verifikimi fillestar i instrumentit matës ligjërisht të kontrolluar, që nuk është objekt i markimit CE.
1. Instrumentet matëse ligjërisht të kontrolluara, që janë me tip të miratuar, i nënshtrohen verifikimit fillestar, me përjashtim të rasteve kur ështě përcaktuar ndryshe.
2. Verifikimi fillestar i instrumentit matës ligjërisht të kontrolluar është përgjegjësi e prodhuesit, përfaqësuesit të autorizuar, importuesit, ose përdoruesit të instrumentit matës. Verifikimi fillestar konsiston në kontrollin e instrumentit matës të ri ose të riparuar dhe vërtetimin e përputhshmërisë së tij me tipin e miratuar. Pas kalimit me sukses të procedures së verifikimit fillestar, instrumenti matës ligjërisht i kontrolluar certifikohet me shenjen e verifikimit fillestar.
3. Kur instrumenti matës i nënshtrohet verifikimit fillestar, kontrolli duhet të përcaktojë nëse:
a) instrumenti matës është i tipit të miratuar dhe në përputhje me të;
b) instrumenti i përket një kategorie të përjashtuar nga tipi i miratuar dhe, në këtë rast, nëse përmbush kërkesat teknike dhe funksionale.
4. Instrumentet matëse te vendosura në treg, që kaně miratim tipi, i nënshtrohen verifikimit fillestar përpara se të përdoren.
Neni 31
Verifikimi i sistemeve matëse
1. Verifikimi periodik dhe jashtë radhe i sistemeve matëse përfshin verifikimin e një instrumenti matës ligjërisht të kontrolluar si një pjesë përbërëse e sistemit, si dhe verifikimin e sistemit si i tërë.
2. Pjesët e sistemit, që nuk ndikojně ně performancèn metrologjike të sistemit, përjashtohen nga kontrolli metrologjik ligjor.
3. Verifikimi i instrumentit matës ligjërisht të kontrolluar, si pjesë e sistemit matës, dhe verifikimi i sistemit matës si i tërë janë përgjegjësi e përdoruesit/pronarit të sistemit mates.
Duke ju falenderuar për bashkëpunimin,
Mbetemi në pritje të një përgjigje shteruese në lidhje me këtë situatë, duke qenë se jeni strukturat përgjegjëse për instrumentet matës dhe aktualisht subjekti jonë është në një ngërç të vazhdueshëm të aktivitetit të punës në këtë drejtim.

Pershendetje,

Duke ju kerkuar ndjese per vonesen per shkak te disa problemeve qe kemi patur , bashkengjitur gjeni pergjigjen ne lidhje me informacionin qe kerkoni, te cilen jua kemi derguar edhe zyrtarisht.

1- Sa është numri ashensorëve të regjistruar pranë ISHMT-së?
Numri i ashensorëve të regjistruar pranë ISHMT-së është 22852- Sa është numri i inspektorëve?

Struktura e Sektorit të Produkteve Mekanike është 8+1, pra 8 inspektorë dhe 1 përgjegjës sektori, por aktualisht kemi vetëm 6 inspektorë dhe një përgjegjës sektori.

3- Kush janë strukturat e licensimit?

Kjo pyetje është e paqartë se cilave strukturave i referoheni, megjithatë nuk ka një institucion ose entitet i cili mund të konsiderohet si strukturë licensimi.

4- Sa janë kontrollet që janë bërë përgjatë një viti?

Gjatë vitit 2023,  ISHMT ka kryer 231 inspektime të planifikuara për verifikimin dhe plotësimin e kërkesave ligjore nga personi përgjegjës mbi sigurinë e ashensorëve.

Duke ju falenderuar për mirëkuptimin,

Në përgjigje të kërkesës Tuaj me lëndë “kërkesë për informacion”, protokolluar me nr 3795 prot., datë 13.11.2023, ju vendosim në dispozicion informacionin e kërkuar si më poshtë:

Inspektorati Shtetëror i Mbikëqyrjes së Tregut (ISHMT) është krijuar me VKM-në Nr.36, datë 20.01.2016, “Për krijimin, organizimin dhe funksionimin e Inspektoratit Shtetëror të Mbikëqyrjes Së Tregut”, në zbatim të Ligjit Nr.10489, datë 15.12.2011 “Për tregtimin dhe mbikëqyrjen e tregut të produkteve joushqimore”, i ndryshuar VKM Nr.1056, datë 23.12.2015 “Për miratimin e rregullit teknik për sigurinë e ashensorëve në përdorim”, i ndryshuar dhe VKM-në Nr.192 datë 04.04.2018 “Për miratimin rregullit teknik për ashensorët dhe përcaktimin e listës së standardeve të harmonizuara”, ISHMT është institucioni përgjegjës për garantimin e sigurisë së ashensorëve dhe regjistrimin e tyre në regjistrin kombëtar.

Referuar inspektimeve në terren, si dhe në zbatim të legjislacionit në fuqi të ashensorëve, me qëllim garantimin e sigurisë së ashensorëve në instalim, mungesa e parashikimeve ligjore për instaluesit dhe mirëmbajtësit e ashensorëve krijon një boshllëk ligjor dhe pamundësi në zbatimin e akteve ligjore dhe nën ligjore përkatëse, gjithashtu ndikon në rregullimin e marrëdhënieve midis palëve të përfshira në proceset e instalimit dhe përdorimit të ashensorëve.
Megjithatë, ju informojmë se nga të dhënat e Sektorit të Produkteve Mekanike pranë Drejtorisë së Mbikëqyrjes së Produkteve në ISHMT, bazuar edhe në inspektimet, rezulton se sujektet Importues (furnizues të ashensorëve dhe komponentëvë të sigurisë për ashensorë) dhe mirëmbajtës të ashensorëve operojnë në gjithë territorin e Republikës së Shqipërisë, pra nuk janë subjekte që operojnë vetëm në rezidencat e Qarkut të Tiranës, gjithsesi do ju vendosim në dispozicion të gjithë subjektet importues/mirëmbajtës që operojnë në këtë fushë.
Lutem gjeni bashkëlidhur shkresës listën e subjekteve (në excel)  importues dhe mirëmbajtës të ashensorëve, gjithashtu listën në format excel do ta vendosim në dispozicion, në emailin Tuaj elektronik competition@caa.gov.al.
Duke ju falënderuar për bashkëpunimin,

Kerkese per informacion. Lidhur me kriteret e aplikueshme per tregtimin e pajisjeve elektrike dhe frigoriferike te kategorise se energjise F.                  Pershendetje! Kerkojme te informohemi nga institucioni juaj, nese ne territorin e Republikes se Shqiperise, ka kufizime ligjore lidhur me importin dhe tregetimin e pajisjeve elektrike dhe ne vecanti frigoriferike lidhur me klasin e eficences se energjise (konkretisht ndalim te tregtimit te pajisjeve me klasin e energjise F).
Gjithashtu kerkojme te informohemi se cilat jane aktet ligjore dhe nenligjore, rregulloret apo direktivat e aplikueshme te cilat rregullojne fushen e importit, tregtimit dhe klasifikimit energjitik te pajisjeve elektrike dhe frigoriferike, ne territorin e Republikes se Shqiperise.
Duke ju falenderuar per bashkepunimin mbetemi ne pritje te pergjigjes tuaj,
Faleminderit!

Dear Sirs
I represent a Dublin Ireland based company who manufacture Wireless Router appliances used by Telecommunications Service Providers.
One of our customers proposes to ship our products to his customer based in Albania.
The equipment is self-certified and labelled with the CE mark.
Please can you advise if conformance to CE standards with CE labelling is all that is required in terms of Regulatory Approval for import of the goods into Albania.

Many Thanks,

Përshëndetje,

Referuar kërkesës suaj për informacion ju informojmë si më poshtë vijon:

Inspektorati Shtetëror i Mbikëqyrjes së Tregut kryen kontrollin e produkteve joushqimore të cilat vendosen në treg për konsumatorin. Referuar legjislacionit i cili mbulohet nga ISHMT, vendosja e etiketimit “Made in Albania” nuk është parashikuar si detyrim.

Gjithashtu theksojmë se për sa i përket prodhimit të produkteve kozmetike, këto produkte mbulohen nga një legjislacion specifik për të cilin struktura përgjegjëse është inspektorati që mbulon fushën e shëndetësisë.

Faleminderit,

Gjithë të mirat
X shpk

Punë të mbarë!

Në përgjigje të kërkesës Tuaj me lëndë “kërkesë për informacion”, protokolluar me tuajën Nr. 120 Prot., datë 07.12.2023 dhe protokolluar në ISHMT, me Nr. 4231 Prot, datë 14.12.2023,  ju rikujtojmë dhe bëjmë me dije si më poshtë vijon:

Së pari, në lidhje me paragrafin e dytë të shkresës tuaj, në të cilin në mënyrë të përmbledhur kërkoni që Inspektorati Shtetëror i Mbikëqyrjes së Tregut (ISHMT) të ju japë informacion lidhur mbi bashkëpunimin tuaj të mëparshëm me subjekte të ndryshëm dhe që tani nuk keni më kontratë shërbimi mirëmbajtjeje, nuk është e qartë se çfarë keni dashur të kërkoni.
Kjo, pasi ISHMT-ja nuk mund të shprehet mbi marrëdhëniet kontraktuale që shoqëria juaj ka pasur në të kaluarën me subjekte të tjera. Marrëdhëniet kontraktuale ndërmjet shoqërisë tuaj dhe subjekteve të tjerë nuk janë objekt shqyrtimi, vlerësimi, certifikimi apo çdo veprimi tjetër administrativ nga ana e ISHMT-së. Neni 690 e në vijim të Kodit Civil të Republikës së Shqipërisë parashikojnë efektet e kontratave.  Sipas rastit, moszbatimi i kontratave nga palët e tjera mund të jenë objekt shqyrtimi nga Gjykata kompetente.

Së dyti, në lidhje me paragrafin e tretë të shkresës tuaj, ISHMT-ja ju bën me dije se nuk “ndërmjetëson” marrëdhënie ndërmjet kompanisë tuaj dhe subjekteve të tjerë.
Si dhe, në lidhje me pretendimin tuaj se hipotetikisht disa ashensorë mund të kenë pësuar modifikime të mundshme, ISHMT-ja shprehet se parashikimet janë qartazi të definuara në  ligjin Nr.10489, datë 15.12.2011 “Për tregtimin dhe mbikëqyrjen e tregut të produkteve joushqimore”, i ndryshuar, VKM-në Nr.1056, datë 23.12.2015 “Për miratimin e rregullit teknik për sigurinë e ashensorëve në përdorim”, i ndryshuar dhe VKM-në Nr.192 datë 04.04.2018 “Për miratimin rregullit teknik për ashensorët dhe përcaktimin e listës së standardeve të harmonizuara”.
Së treti, lidhur me pyetjen tuaj të parë, është e pakuptimtë se si shoqëria “M ” pyet ISHMT-në për përgjegjësitë e saj juridike. Rezulton se sipas ekstraktit kjo shoqëri është themeluar që në vitin 2009 me objekt aktiviteti  “Import-eksport ashensorë, shkallë lëvizëse dhe aksesorë. Shitje, montim dhe mirëmbajtje e ashensorëve, shkallëve lëvizëse. Projektime dhe instalime civile dhe industriale….”. Ju keni detyrimin të njiheni me të gjitha aktet ligjore e nënligjore që duhet të zbatoni që nga publikimi i tyre në fletoret zyrtare.
Shoqëritë tregtare fitojnë personalitetin juridik në datën kur kryhet regjistrimi i tyre në Qendrën
Kombëtare të Regjistrimit.
Për lehtësinë tuaj ju informojmë se kuadri ligjor mund të gjendet në faqen web të ISHMT-së si dhe në faqen web të QBZ-së.
Sa i takon pyetjes së dytë, në të cilën kërkoni procedurën ligjore dhe detyrimet  që ju lindin, ju bëjmë me dije se duhet të referoheni te kuadri ligjor i cituar më lart si dhe akteve ligjore të tjera në fuqi.
Së fundmi, ashtu sikundër e dini,  ISHMT-ja është institucioni përgjegjës për garantimin e sigurisë së ashensorëve dhe regjistrimin e tyre në regjistrin kombëtar dhe konkretisht shoqëria juaj është njoftuar edhe më parë mbi detyrimet ligjore dhe zbatimin e kuadrit ligjor në fuqi për sigurinë e ashensorëve pasi edhe jeni inspektuar mbi detyrimet sipas ligjit 10433, datë 16.6.2011 “Për inspektimin në republikën e Shqipërisë” dhe ligjit 10489 datë 15.12.2011 “Për tregtimin dhe mbikëqyrjen e tregut të produkteve joushqimore” dhe aktet nënligjore në fuqi.

Dite te mbare.

I nderuar Z. …..

Referuar e-mailit zyrtar drejtuar Inspektoratit Shtetëror të Mbikëqyrjes së Tregut , më poshtë ISHMT, me anë të të cilit kërkoni informacion  në lidhje me kërkesë-ankesën e depozituar nga ana e shoqërisë tuaj në lidhje me cënimin e të drejtave të pronësisë industriale mbi markën “…….” ju bëjmë me dije si më poshtë vijon:

ISHMT në bazë të Ligjit “Për Pronësinë Industriale” i ndryshuar si dhe në bazë të Ligjit “Për Inspektimin në RSH” ka nisur zyrtarisht procedurën e inspektimit ndaj subjektit “…………”, si subjekt i dyshuar për cënimin e të drejtave të pronësisë industriale mbi markën “…….”. Procedura është në proces administrativ dhe në përfundim të afateve procedurale do të dilet me një vendim përfundimtar nga ana e ISHMT. Në përfundim të procedurës do të njoftoheni zyrtarisht mbi ecurinë e procesit.
Duke shpresuar në mirëkuptimin tuaj