Në vazhdën e asistencës së Shoqatës Gjermane për Bashkëpunim Internacional (GIZ), në rritjen dhe forcimin e kapaciteteve të nëpunësve të Inspektoratit Shtetëror të Mbikëqyrjes së Tregut, në datat 30-31 Nëntor u organizua workshop mbi tëpronësinë industriale. Lektor në këtë workshop ishte z. Gavin Terry, ekspert nga Mbretëria e Bashkuar për pronësinë industriale.

Sëbashku me inspektorët e Sektorit të Pronësisë Industriale dhe Sektorit të së Drejtës së Autorit, pjesëmarrës ishin përfaqësues të institucioneve të tjera përgjegjëse si Drejtoria e Pronësisë Intelektuale në DPD, Drejtoria e Përgjithshme e Pronësisë Industriale dhe Drejtoria e së Drejtës së Autorit. Gjithashtu, pjesëmarrës ishin dhe përfaqësues të zyrave të avokatisë në vend me profil dhe të angazhuar në rastet e konfliktit gjyqësor mbi pronësinë industriale.

Gjatë workshop-it dy ditor, u krye një panoramë e plotë e rregullimeve parësore që drejtojnë mbrojtjen e pronësisë industriale në nivel botëror. Përpos trajtimit teorik, u vendos theksi tek vëmendja e munguar, jo vetëm në vendet në zhvillim, ndajfushës së pronësisë industriale apo të pronësisë intelektuale në tërësi. Përgjatë prezantimit, pjesëmarrësve iu dha mundësia të ngrinin shqetësimet e tyre mbi mbrojtjen ligjore që marrin titujt e pronësisë industriale në Shqipëri.

Inspektorati Shtetëror i Mbikëqyrjes së Tregut në bashkëpunim me Shoqërinë Gjermane për Bashkëpunim Ndërkombëtar (GIZ) zhvilloi në datat 20-21 Nëntor workshop-in dy ditorë mbi modelet e pronësisë intelektuale. Në workshop ishin të ftuar si lektorë dhe prezantues të tre modeleve krejt të ndryshme të mekanizmit të mbrojtjes intelektuale;

• Andrejka Grlic – Kryeinspektore nga Sllovenia,
• Kenny Wright – ekspert nga Danimarka, dhe
• Marius Kuningas – ekspert nga Estonia.

Dita e parë e workshop-it iu kushtua prezantimeve të tre ekspertëve mbi modelet përkatëse të vendeve të tyre për pronësinë intelektuale. Gjatë këtyre këtyre prezantimeve, u bë një parashtrim ligjor dhe institucional përsa i përket mbrojtjes së të drejtës së autorit dhe të pronësisë industrial nw Slloveni, Danimarkw dhe Estoni. Analiza e kuadrit rregullator u adresua te procesi administrativ, penal dhe ai civil përsa parashikohej nga këto legjislacione. Në ditën pasuese të workshop-it iu la vend bashkëbisedimit ndërmjet ekspertëve dhe inspektorëve pjesëmarrës nga të dy sektorët. Ndër të tjera, inspektorët diskutuan mbi problematikat e hasura përgjatë inspektimeve të kryera deri më tani dhe instrumentave ligjorë që mundëson legjislacioni shqiptar. Një vëmendje më specifike iu kushtua vështirësive të përballura me Ligjin “Për pronësinë industriale”, për të cilin ekspertët parashtruan vërejtjet e tyre dhe nevojat apo mundësitë për amendim.