Në kuadër të situatës së parandalimit të përhapjes së infektimit nga virusi COVID-19, Drejtoria e Përgjithshme e Standardizimit mbështetur edhe në rekomandimet dhe masat e marra nga Komisioni Europian publikon:
FALAS – Standarde të ISO-s për disa nga pajisjet e mbrojtjes personale apo shëndetësore. Të akesesueshme në faqen e saj zyrtare (Linku: http://www.dps.gov.al/button_114.html)

Lista me standardet të publikuara nga Organizata Ndërkombëtare e Standardizimit (ISO) mund të aksesohen dhe merren falas nga bizneset dhe kompanitë që prodhojnë apo duan të nisin prodhimin e disa produkteve mjekësore me ndikim të drejtëpërdrejtë në luftimin e përhapjes së COVID 19

Këto produkte janë maska të mbrojtjes personale filtruese, doreza dhe veshje mbrojtëse mjekësore, karakteristikat teknike të të cilave jepen në standardet Shqiptare të përmendura më lart. Këto standarde i vijnë në ndihmë çdo kompanie vendase, e cila prodhon ose vendos të prodhojë një apo disa nga këto produkte

SHMT inspektim në tregun e lodrave, bllokohen 10,000 produkte jashtë standardeve!

ISHMT bën thirrje të gjithë kompanive, bizneseve që importojn, tregtojnë produkte të tilla të bëhët vetëm për produktet me markim CE.
ISHMT bën thirrje të gjithë qytetarëve të verifikojn produktet e tilla për markimin CE në produkt, jo vetëm në kutit e ambalazhimit, para se të kryejnë blerjen.

ISHMT inspektim në tregun e lodrave, bllokohen 10,000 produkte jashtë standardeve

Inspektoriati Shtetër​or i Mbikëqyrjes së Tregut po vijon me kontrollet në tregun e lodrave dhe të produkteve për fëmijë. Gjatë ditës së sotme, trupat inspektuese u ndalën në tregun e “Medresesë” në kryeqytet, ku bënë verifikime në subjekte importuese, si dhe ato të tregtisë me shumicë dhe pakicë.

Nga inspektimi rezultoi se disa prej subjekteve tregtonin produkte që nuk plotësojnë standardet europiane, pra janë të pamarkuara CE, dhe me mungesë të dokumentacionit teknik, të kërkuar sipas legjislacionit në fuqi.

Kryeinspektori i ISHMT-së z.Lavdrim Sahitaj, gjatë kontrollit në pikat e tregtimit, tha se ISHMT në bashkëpunim me Qendrën Konsumatori Shqiptar, ka kryer disa teste laboratorike për disa modele lodrash të marra në analizë dhe nga testet laboratorike ka rezultuar se ka elementë kimikë me rrezik të lartë për shëndetin e fëmijëve, ku përfshihen disa kategori të ftalateve, boronit dhe elementëve të tjerë të ndaluar kimikë në këto produkte.

Vetëm në ditët e para të muajit dhjetor, ISHMT ka bllokuar rreth 10 mijë produkte, pasi tregtoheshin në kundërshtim me përcaktimet ligjore.

“Për të gjitha produktet që rezultojnë me përmbajtje të elementëve kimikë jashtë tolerancave të përcaktuara në legjislacionin shqiptar që tashmë është plotësisht i transpozuar me atë europian, janë marrë masa bllokimi të përhershëm dhe shkatërrimi të produkteve lodra.  Janë 10,000 produkte që janë bllokuar në pjesën e parë të muajit dhjetor. Ju kërkojmë importuesve dhe gjithë linjës së tregtimit të produkteve lodra, të bëjnë kujdes në produktet, që ata tregtojnë për konsumatorët, të cilat duhet të jenë në përputhje me legjislacionin për mbikëqyrjen e tregut, si edhe të tërheqin nga tregu produktet për të cilat ISHMT ka vendosur masën e ndalimit të përhershëm dhe janë njoftuar zyrtarisht si produkte të rrezikshme”, tha z.Sahitaj.

ISHMT do të vijojë inspektimet dhe informimin e konsumatorëve për modelet dhe kategoritë e produkteve të cilat janë të ndaluara të vendosen dhe tregtohen në vend.

Pas rënies së tërmetit të datës 26 Nëntor 2019, me qëllim parandalimin e pasojave për sigurinë e jetës së banorëve, në datat 2-6 Dhjetor trupat inspektuese të Inspektoratit Shtetëror të Mbikëqyrjes së Tregut kanë evidentuar në terren situatën e ashensorëve në zonat Astir dhe Komuna e Parisit, Tiranë. Monitorimi nga trupat inspektuese ka për qëllim verifikimin e zbatimit të masave të marra nga ana e administratorëve/instaluesve/personave përgjegjës për ashensorët të cilët duhet t’i nënshtrohen kontrollit teknik përpara rivendosjes në punë pas lëkundjeve të tërmeteve.

Në rastet kur ashensorët janë gjetur në gjendje pune dhe të pa verifikuar dhe si pasojë të pasigurtë është vendosur lajmërimi për mospërdorimin e këtyre instalimeve për arsye sigurie. Ky aksion do të vijoj në Qarkun e Durrësit dhe Lezhës për të shmangur çdo incident të mundshëm që mund të vij prej përdorimit të ashensorëve në kushte të pasigurisë.

Më datë 21/11/2019 u zhvillua një takim informues mbi veprimtarinë e Inspektoratit Shtetëror të Mbikëqyrjes së Tregut ndërmjet ISHMT dhe SHLUJ “Universitetit Marin Barleti”, pranë ambienteve të këtij universiteti. Takimi u hap me fjalën përshëndetëse të Prof.Dr. Mariglen Spiro, Rektor pranë Universitetit “Marin Barleti”, dhe më pas vijoi me mesazhin e Prof.Dr. Zamira Çavo, në cilësinë e Zv. Rektorit të këtij universiteti e cila vlerësoj organizimin e takimeve të tilla informuese. ISHMT u përfaqësua nga Kryeinspektori z. Lavdrim Sahitaj, i cili kreu një prezantim për misionin e instiucionit dhe fushë veprimtarinë e tij. Z. Sahitaj gjatë diskutimit të tij, vuri theksin tek informimi, monitorimi dhe inspektimi i tregut në përmbushje të detyrimeve ligjore.  

Gjatë këtij takimi u diskutua për rëndësinë e përafrimit të legjislacionit me acquis communautaire dhe kontributin e Inspektoratit në raportimin për Kapitullin 1,7,28 në Planin Kombëtar të Integrimit Europian dhe fjalën në lidhje me këtë diskutim e mbajti znj. Valbona Jaupllari, Drejtore Teknike pranë ISHMT.

Aktiviteti u moderua nga Prof. Shpëtim Cami, i cili u kujdes për shpjegimin e rëndësisë së këtij takimi tek studentët pjesëmarrës.

Më pas fjalën e mori znj. Elena Borici, në cilësinë e Këshilltares pranë Ministrisë së Financave dhe Ekonomisë e cila diskutoi mbi raste konkrete të trajtimit të pronësisë industriale. Në fokus të këtij takimi ishte fusha e Pronësisë Intelektuale dhe ndërgjegjësimi për konceptin e pronësisë industriale dhe të drejtave të autorit si dhe informimi dhe sensibilizimi i studentëve.

Në këtë takim informues, mbajtën fjalën e tyre dhe znj. Adela Cjapi dhe z. Enea Sheqi të cilët shpjeguan koceptet bazë dhe kontrollet që ushtrohen nga ISHMT për zbatimin të legjislacionit në fuqi për pronësinë intelektuale.  Në përfundim të takimit përfaqësuesit e ISHMT-së iu dhanë përgjigje pyetjeve që studentët kishin lidhur me çështjet e trajtuara.